Mungiako Udalak "San Pedro Jaiak 2024" jaien egitaraua aurkeztu du gaur udaletxearen aurrean eskainitako prentsaurreko batean. Bertan izan dira Alaitz Erkoreka alkatea, Idurre Urresti, Kultura zinegotzia, Marijata eta jai batzordea osatzen duten kideak. Askotariko programa da, publiko guztientzako jardueraz betea, eta Jai Batzordeak ahalegin eta konpromiso osoz diseinatua.
Horrela, ekainaren 28an, San Pedro jaiei hasiera ofiziala emango zaie txupinazoarekin. Giroa berotzen hasteko, betiko kalejira egongo da txosnetatik hasita, Gure Ametsa Txistulari Taldea, Erraldoiak, Dultzainak, Mungiako Koadrilak eta Marijatarekin, baita Galtzagorri, Basajaun, Tartalo, Maritxu Teiletako eta Mari Domingi euskal mitologiako pertsonaiekin. Aurten, pregoia Bentades Ikastetxeak irakurriko du, bere 100. urteurrena dela eta, eta txupinazoa Ismederrek girotuko du. Erraldoiek, dultzainek eta Kolpez Blai fanfarreak Mungiako kaleak girotuko dituzte, Manel Fuentes and The Springs Team (Omenaldia Bruce Springsteeni), Foruen Plazan, Muxutruk Erromeria Taldea txosnen gunean eta DJ Kris Matxin plazan kontzertuak eman aurretik.
Ekainaren 29an, San Pedro egunean, Erraldoiek, Dultzainek eta Gure Ametsa Txistulari Taldeak osatutako kalejira hasiko da. Txikienek Torrebillela parkean dagoen haur parkeaz eta Txu-Txu trenaz gozatu ahal izango dute. Era berean, ohiko meza Nagusia ezin zen falta, J.M. Arregi Abesbatzak parte hartzearekin, eta ohorezko aurreskuarekin, Amilotx Dantza Taldearen eta Udal Musika eta Dantza Eskolaren eskutik. Ondoren, bertsolarien txanda izango da Andra Marin, Iruri Altzerreka, Mikel Goiriena, Miren Artetxe eta Xabi Payarekin.
Arratsaldean, profesionalen arteko esku-pilota partidek jaietako programazioari ekingo diote berriro. Ondoren, kuadrillek txosna-gunean izango duten probaz gain, DJ Pako & Urkok Torrebillela parkea alaituko dute. Bestalde, Txikuri fanfarrea eta "México en el corazón" mariatxi taldea kalez kale ibiliko dira euren musika eskainiz. Halaber, mariachi taldea, kaleko animazioaren ondoren, Foruen plazara iritsiko da, eta bertan kontzertua eskainiko dute. Txosnen esparruan, ohiko Larrain Dantza eta bertako Lhore Blues Band rock taldearen kontzertua izango dira, La Furia + Tribade taldearen kontzertuaren aurretik. Vulcano pirotekniaren su artifizialak eta UT! & Lagunak taldearen kontzertua Matxin plazan izango dira San Pedro egunean.
San Pedrotxu eta Baserritarraren Eguna
Ekainaren 30ean, San Pedrotxuz gain, Baserritarraren Eguna ospatuko da, Miren eta Roberto Etxebarriaren trikitixak eta Mungiako Gure Ametsa Txistulari Taldeak girotutako nekazal azoka tradizionalarekin. Eskulangintzaz, nekazaritzako elikagaiez eta onddo eta perretxikoen erakusketa eta dastaketaz beteriko goiza izango da. Eta nola ez, Bizkaiko Betizu ganadu lehiaketa. Arratsaldean, Mus Txapelketa, Alaiak Mungialdeko Soinulari Elkartea, Gure Ametsa Txistulari Taldea eta J.M. Arregi Abesbatzaren kontzertua. Eguna amaitzeko "Euskal Herri Dantzari" ikuskizuna eskainiko du Amilotx Dantza Taldeak Matxin plazan.
Uztailaren 4an, jai-egitaraua 15:00etatik aurrera hasiko da, Mungia Saskibaloi Taldeak antolatu eta Joxe Mendizabal Erromeriak girotutako Tortilla Lehiaketarekin. Ondoren, Bingo Musikala izango da txosnen gunean, eta Berakatz Taldeak emango dio amaiera jardunaldiari. Bestalde, uztailaren 5ean, arratsaldez ere, "Gazte Bazkaria" egingo da txosna-gunean. Matxin plazan, txikienek Ulterior Bidaia kale antzerki familiarrera joateko aukera izango dute. Aipamen berezia egin behar zaio Gorabide Alkarteak Torrebillelan antolatutako "Kolorearen soinuan" erakusketaren eta antzezlanaren inaugurazioari. Zetak Foruen plazan eta Eire eta DJ Blessive txosna-gunean kontzertuek emango diote amaiera egunari.
Nagusien Eguna
Uztailaren 6an, Nagusien Eguna ospatuko da. Beteranoen Saskibaloi Txapelketak eta Eleder Magoak "Magia Mundiala" ikuskizunarekin ekingo diote programazioari, Andra Mari eta San Pedro Elizako mezaren aurretik. Egun honetan, ezin da musika falta izan, eta horretarako, Rumbo Tijuana taldeak Foruen plaza animatuko du, adinekoek gozatu ahal izango duten bazkariaren aurretik. Bazkari hori Eingo Taldea-Kantan ta Dantzan Erromeriak girotuko du. Ondoren, kirol proben txanda iritsiko da, 3vs3 Saskibaloi Txapelketarekin, eta Campo Quemado proba txosnen esparruan.
Dantzaldiak ere badu protagonismoa festa-egitarauan eta, ohi bezala, Mungiako Slow Danzas de Salón Alkarteak erakustaldia egingo du Matxin plazan. Aldi berean, Iratxe Ibarra, Jone Larrinaga eta Koldo Gezuraga bertsolariek Mungiako kaleak zeharkatuko dituzte. Musika Kalean kaleak hartuko du ere, Zubiazpian, Peligrosos Band, Goiatz Dutto eta Belarri Fuckers Taldearekin. Kuttune taldeak, Matxin plazan, eta Mizz Helio taldeak, txosnen gunean, kontzertuak eskainiko dituzte 22:30etatik aurrera. Eguna amaitzeko, txosnen gunean eta Foruen plazan Mafalda taldearen eta DJ Alexen kontzertuak izango dira, hurrenez hurren.
Uztailaren 7an, eta jaien azken egunean, Sukalki Eguna ospatuko da, Euskadiko Sukalki Txapelketarekin. Larramendi Ikastolak antolatuta, Mungiako Gure Ametsa Txistulari Taldeak, Miren eta Roberto Etxeberriaren trikitixak eta Txikuri fanfarreak girotuko dute Sukalki eguna. 22:00etan, Lorratz taldeak erromeria egingo du Foruen plazan, eta 24:00etan, Marijataren agurra eta zapiak erreko dira.
