Ingurunea - Lekua

Mungia itsasotik 20 metroko garrieran dagoen eremu zabala da. Sollube (684 m) eta Jata (592 m) mendiez gain, baditu hainbat sakonune eta mendixka; besteak beste Gondramendi (217 m), Tallu (342 m) eta Berreaga (366 m).

Mendi horiek Butroi ibaiaren Ibarra inguratzen dute. Ibai horrek, Bizkargi (536 m) mendian Portu eta Mungiatik igaro ostean, Gaminiz badian isurtzen du ura. Dena den hori ez da alde honek duen ur-etorri bakarra; izan ere badira inguruan beste marina bat errekatxo eta iturri (Butroi ibaiaren ibaiadarrak), Atxuri, Trobika, Lauromendi, Atebarri edo Mantzorriko erreka esaterako, antzina 20 errotari eragiteko gauza zirenak.

Iparraldean, Bakio eta Bermeo ditu; hegoaldean Derio, Zamudio eta Gamiz-Fika; ekialdean Meñaka eta Gamiz-Fika; eta mendebaldean Loiu, Gatika eta Jatabe. Muga horien barruan sortzen den eskualdeak "Mungialdea" du izena  (Bizkaiko Foru Aldundiaren Lurralde–Plana) eta ondoko herriak hartzen ditu Mungiaz gain:  Arrieta, Gamiz-Fika, Gatika, Laukiz, Maruri-Jatabe, Meñaka, Fruiz eta Bakio.

80ko hamarkadaren hasieran jasandako geldiune laburra kenduta, Mungiako biztanleriak etengabeko hazkundea izan du. Hazkunde hori azken urteotan bizkortu egin da Euskal Herriko toki ezberdinetatik etorri eta herrian finkatu den pertsona multzoari esker; baita hazkunde begetatiboaren portzentaia altuari esker ere.

2016ko urtarrilean Mungiak 17.363 biztanle ditu guztira. Herritarrok honela daude banatuta auzo ezberdinetan:

Ondoko taulan, biztanleen araberako banaketa agertzen da:

Mungia Bilbotik 16 kilometrora dago errepidez, Bilbo eta itsasertzearen arteko puntu batetan kokatuta, eta Loiuko aireportutik 10 minutura. Horrez gain, garraio publikoaren bitartez inguruko hainbat herrirekin dago lotuta